神7

神7 升空,偉大.
中國太空人第一次出倉,偉大.
安全降落,偉大.
但如果我地嘅政府能夠安排太空人嘅家人係基地卜中迎接家人,而唔係透過哪小小嘅電視至可以睇到自己嘅家人,哪我地嘅祖國會更偉大.

曬到死嘅7月23日

今日7月23日,特登請假.點解?你諗吓!
因為回鄉証過哂期,朝早去旺角中旅社申請回鄉咭.
嘩去到d人多到,而且d職員個個都口黑面黑,好似欠佢地咁....
下午去咗鰂魚涌公園影吓公園裡面嘅退役消防船"葛量洪號",
不過可惜去到嘅感覺只有冇癮同不解,成艘船見到最多嘅係"請勿進入"嘅牌,
其次係透明嘅"亞加力"膠板,
而奇怪嘅係掛牌嘅地方真係唔見得有咩問題,而唔人入去?
究竟消防船上嘅廁所,浴室,廚房,茶房同休息室有d咩危險?
要用膠板密封唔俾人入去?
而控制室嘅設備都已經用唔到,唔通怕俾人偷,所以唔俾人入?
真係咁樣都可以叫做展覽館!真令人失望!
一個小小嘅展覽館都做唔掂,真係唔可以期望政府所謂嘅交物保育政策!
只可以講句"收皮啦!"

新不如舊

係花園街間樂園牛丸王最近裝潢完畢.
其實係裝潢前都有幫襯開,但轉咗裝潢後其實冇咩好感.
冇咗以前嘅市井味,辨哂高檔.
但作為一間地鋪而且係旺角花園街呢類地方,
咁樣嘅裝潢同週邊環境真係格格不入,所以一直冇幫襯嘅意欲.
不過今晚行開附近,屋企唔煮飯,即管試吓!
首先裝潢方面其實係ok嘅,感覺唔差.
不過我唔鐘意間鋪用太多射燈,不過呢個係另一個話題,遲d至講.
最大問題係食物,弋感覺係比以前差咗.
尤其d味精湯!以前都唔覺d湯咁多味精.
至少唔會食完口渴.
始終一間餐廳留客嘅方法係靠食物,裝潢根本係其次,
但而家好多餐廳根本係本末倒置.
只能講句--新不如舊!!!

張宇人你條PK!自由黨你班奴才!

點解要分"勞工假"同"銀行假"!
叫得做勞工即係要已勞動力作為維生嘅工具,
咁點解想放多幾日假會係貪得無厭!
勞工都係人,都需要休息!
勞工都係人,一樣需要陪家人!
政府行五天工作,係讓公務員可有更多時間與家人一起，鼓勵消費.
但點解要連個五日嘅假期都唔可以俾班打工仔!
點解做勞工就要受呢D不公平嘅待遇!
呢D係徹頭徹尾嘅歧視!
仲係由政府帶起嘅歧視!
而張字人更PK!
早幾年竟然話打工仔要承擔老闆走佬唔出糧嘅風險,
因為佢地埋錯碼頭泊錯岸!
而家就話爭取勞工權益係貪得無厭!
9月就係立法會選舉,即管睇吓自由黨你班奴才有咩成績!
睇你地點為自己嘅言論負責!!!

老細足球

http://soccernet.espn.go.com/news/story?id=530083&cc=4716
雖然我唔係曼城球迷,更唔係艾歷臣嘅fans,(尤其佢做英格蘭領隊嘅時候)但實在為佢唔抵.
一隊球隊唔可以一朝就建立到,一隊能夠奪冠嘅球隊更需要時間建立.你可能會話車路士可以,但係"油王"艾巴莫域治入主前,有荷度,古列治同雲尼亞里建立咗基礎,同"油王"幾乎無限嘅金錢(其實今季"油王"已經表示會收水喉,將來亦唔會好似以前呾大手筆嚟買人),但好明顯幾乎每個球會班主仍然希望自己嘅球隊一鳴驚人,一球成名!
曼城近季都係中下游浮沉,06/07排名14,05/06排名15,04/05好d排第8,03/04排第16,而今季艾歷臣首次領隊係仲有一場聯賽未打嘅情況下排第9 而且兩勝同市嘅曼聯令艾歷臣極得球迷歡心.
但好明顯佢嘅泰國老闆-他信唔係咁諗,雖然到目前為止曼城未有宣佈同艾歷臣解約,但已經有好多嘅繼任人嘅傳言.相信今個暑假艾歷臣又要為飯碗諗計.
其實老細足球何止他信一人,皇馬前主席佩雷斯,國米班主莫拉提,甚至艾巴莫域治都係當中嘅代表,不同嘅係佩雷斯已經為佢嘅"銀河艦隊"政策而落台,而莫拉提終於肯放手,致令國米復興.
但可惜每個老闆嘅思維真係差不多,只會諗住錢係我出嘅,你就要用最快嘅方法令球隊成為冠軍球隊,你唔得就同我走,呢個位大把人跟住坐.
睇嚟呢d事只會不停咁上演,永冇落畫嘅日子.

The last tribute to 伍晃榮

陪住我地成長嘅伍晃榮係2008年4月17日逝世,let us tribute his contribution to our life and Hong Kong news for 40 years

[經典回憶] 伍晃榮主持麗的體育一週節目


[經典回憶] 伍晃榮報導1986年世界盃8強世紀之戰法國對巴西賽果


2002 世界杯8強 巴西對英格蘭新聞報導 - 伍晃榮


[2003]經典 - 伍晃榮攪笑報道(綿羊大賽)


伍晃榮 最後一次任 體育主播


新聞話事‧人 (第三集) (3 of 3)


The last screen shot
新聞話事‧人 (第四集) (3 of 3)


2008年04月17日 伍晃榮病逝 (永遠懷念伍晃榮)

超級星期天

英超聯嘅marketing策略的確厲害,係復活節假期嘅星期日安排四強大戰,尤其今季四強嘅積分差距係近季最緊張,引起嘅反應同關注相信亦係近年最多最大.
而亦因為咁尋晚約咗一班弟兄上ANDREW嘅新居睇波,由LULU教飲紅酒,大家都盡興而回,不過如果利物浦對曼聯嘅賽果係掉轉嘅話就更盡興.

陰影

你有咩陰影？
對我嚟講，好多嘢都有好大嘅陰影．
１　拍拖－好怕，負擔唔起再一次嘅失敗
２　模型－因為同阿媽開火，扱哂Ｄ模型，諗起都痛心
３　旅行－最不可思意嘅陰影，曾為旅行同老媽子炒大鑊，超煩．唉．．．．．．．．．．

王菲 暗湧

王菲 暗湧

就算天空再深　看不出裂痕　眉頭仍聚滿密雲
就算一屋暗燈　照不穿我身　仍可反映你心
讓這口煙跳昇　我身軀下沉　曾多麼想多麼想貼近
你的心和眼口和耳亦沒緣份　我都捉不緊

害怕悲劇重演　我的命中命中　越美麗的東西我越不可碰
歷史在重演　這麼煩囂城中　沒理由相戀可以沒有暗湧
其實我再去愛惜你又有何用　難道這次我抱緊你未必落空
仍靜候著你說我別錯用神甚麼我都有預感
然後睜不開兩眼　看命運光臨
然後天空又再湧起密雲

家

"家"係一處好奇怪嘅地方,原則上及本則上"家"應該係每個人嘅避難所,避開出面嘅風風雨雨;但現實上(至少係我身上)"家"卻係一個煩惱嘅根源.煩惱在於家人經常無意地--冇錯係冇意--制做各種大大小小嘅無謂問題,無必要嘅問題,俾反應--死,唔俾反應一樣死,總之點都係死路一條.
逃避變成我唯一可以做嘅嘢,唔想,唔諗,唔處理.由得佢地鍾意點攪就點攪,總之最好唔好攪到我.....
可能我就係因為咁養成咗逃避嘅習慣,逃避思考,逃避面對.
可能因為咁我唔適合組織家庭.

ANNUAL DINNER

剛過去嘅星期六,係公司嘅anuual dinner,一如以往地係灣仔GH酒店(GH for what自己諗),一如以往地係Harry哥哥做司儀,老細仲話出年要頒個"十年服務獎"俾佢.
今年嘅氣氛亦好過去年,尤其sing con(去年冇),不過感覺今年Harry哥哥派利事少過去年,獎品又少咗,不過annual dinner呢d嘢都係唔無期望咁多,因為咁至唔會失望.

二人家庭增 千呎單位需求殷----係真唔係呀

睇完呢篇報導,只可以用四個字去形容"不知所謂"原來所謂專業人士(即文中哪測量師)講嘢係唔用腦,就算佢係有腦,佢個腦肯定係俾d錢塞住哂.而我應為呢篇報導同個位專業人士至少有四大錯誤:
第一佢憑d咩理據去話提高生活質素就要住千呎嘅單位;
第二佢冇提到個d二人家庭嘅負擔能力係唔係可以應付到供一個千呎單位;
第三佢刻意唔提現在市場有冇足夠嘅千呎單位去滿足佢所謂嘅需求;
第四唔見得佢做過任何嘅科學性統計同研究,究竟二人家庭對千呎單位有幾大需求;
而最重要嘅係佢一廂情願地為地產商服務而放下自己嘅良知及專業不顧,呢樣至為最可恥!!!

二人家庭增　千呎單位需求殷 (星島日報報道)特首鼓勵港人「生三個」，但統計處最新推算顯示，家庭住戶人數由八十年代平均「一家四口」，逐漸演變成今日的「三人小家庭」，推算至二○三六年，每戶平均人數只有二點七人。有測量師分析，隨着市民追求更優質的生活，家庭人數雖減，但未來對千呎單位的需求將日漸增加，或需要加快勾地以應付建屋需求。 ...

MTR Song

又係無意中的發現,呢首MTR Song都已經係好幾年前嘅事,但最近至留意有mv.
MTR Song呢首歌係香港電台-第三台嘅dj-Steve James某日搭地鐵嘅時候仕得到靈感,其實我覺得呢首歌更可以代表到地鐵.可以的話今日港鐵嘅高層應該搵番佢作首歌,肯定好過容祖兒個首多多聲.

What's your future life?

又係Facebook嘅quiz,題目係What's your future life?
睇完真係有d心寒,我唔介意賣雪糕,亦唔介意做垃圾佬唔介意冇車,但我好介意病死,我好介意教唔掂仔女.

You'll live in a shack.

You make $100.00 a year.

You don't own a car.

Your job will be either ice cream vendor or garbage person.

Your husband/wife: Fairly old, and very serious.

There will be too many kids that you can't handle.

Because of a disease, you will die when you're 50.

But you'll make it to

heaven!

球迷世界

今日無意中係youtube search"球迷世界"發現呢兩條片,雖然我係利物浦球迷,而利物浦同愛華頓係水火不容,但心諗今時今日想睇100%嘅純足球資訊真係難過登天.自有線同NOW攞哂四大聯賽同歐聯後<球迷世界>亦無聲無色咁摺咗,係最近無線重新投放資源至重見天日,但主力講本地波.雖然我都想支持本地足球,但本地足球實在冇咩吸引力令我入場同追佢嘅資訊.
講番正題,呢兩段片將愛華頓係86/87年英甲球季奪冠嘅幾場重要嘅比賽剪輯同詳細咁介紹當年嘅幾位主力.真係不得不佩服當年嘅新聞工作者,係冇INTERNET嘅80年代都可以搵到咁多料.尤其係而家所謂嘅足球資訊其實只係盤口嘅年代,呢份心思更見難得.
我依然相信同堅持足球唔係只得"主客和",我亦唔會鄙視D只識"賭"波而唔"識"波,唔"睹"波嘅人,我只希望大家-尤其香港人知道足球係可以有好多角度去睇.而係網絡世界亦有好多識波之人,以下只係其中兩位
球迷-http://hk.myblog.yahoo.com/jw!5P4XlnuTBxvTn2QOv9N8/article?mid=2357
展足夜談-http://hk.myblog.yahoo.com/chriskch/article?mid=391
希望看官對佢地多多捧場,唔講咁多.去片.

<<愛．誘．罪>>

今日又獨自去睇戲,係睇<<愛．誘．罪>>
以下係簡介:
1935年的夏天，生長在維多利亞式豪宅內的13歲少女貝安妮 (莎愛絲露娜飾)，生性活潑而且想像力豐富，喜歡寫作，更邀請親友擔演她劇本裡的角色。
就在一個平常但燥熱的下午，她閒著無聊在房間外望，遠遠目睹姐姐茜茜莉亞(姬拉麗莉飾)和僕人的兒子羅比(占士麥艾禾飾)在庭園似是爭執、但又像是調情的 交鋒。這情景讓貝安妮對成人世界的想像無限馳騁，暗中認定姐姐受到羅比調戲。他倆的曖昧關係及一封意外接手的情書，讓貝安妮豐富無邊的想像力一發不可收拾 ——碰上表姐被強姦，她一口咬定是羅比做的，更不理姐姐的反對向警方報告，將整件事演繹成親眼目擊羅比的犯案經過，讓本來有機會成為醫生、進入社會上流階 層的羅比鋃鐺入獄！
睇完後心底有種感覺揮之不去.羅比因貝安妮嘅妒忌,及過份一廂情願嘅想法而入獄.要五年後佢至發現當日強姦表姐係另有其人(諷刺嘅係那兩人最後結成夫婦),貝安妮想贖罪,但現實唔許可,佢惟有用另一方法去做(想知用咩方法,自己入場睇啦).
我覺得可以用"好心做壞事"嚟形容個故事,而呢類事情其實好多時侯都係現實生活中不停發生(我屋企久唔久就發生呢d事).而當事人從未想像過佢一個以為係對,係好嘅決定,會對其他人帶嚟難以估計及無法補救嘅後果.
但好多時呢類人仲係到自嗚得意,覺得自己"又"幫咗人一大忙,"又"做咗件好事,偏係睇唔到自己為幾多人帶嚟幾多傷害.
但對住呢類人真係丙佢又死,唔丙佢又係死.而且即使發生事佢地仲未必有知覺知道幾大鑊.即使最後明白,想贖罪時,可能已經冇機會同能力.................
P.S.其實我覺得今次電影公司將片名譯為<<愛．誘．罪>>有點兒造作,直譯為"贖罪"會更貼題,更有味道.

纖形22

今時今日纖體公司絕對係電視台一個極大嘅客人,幾乎每時每刻都會見到各大纖體公司嘅廣告.其實所有廣告都係大同小異,講個肥人係纖體之前點樣唔好,點樣唔開心,纖體後點好,點開心.
但最近"纖形22"最新嘅廣告係我記憶中最cheap,最庸俗嘅纖體廣告.真係三個女人一個墟(講得難聽d係三個八婆),最攞命嘅係係地講嘢d行為同舉止(極度MK)同身上嘅衣著身處嘅環境完全唔夾.
另一個攞命位係佢地係一個場合表演纖體嘅成果,但最攪笑嘅唔係佢地D"舞姿",而係佢地冇好大DRESS UP嘅樣竟然仲好過裝身之後嘅樣,唔知呢D係唔係叫"多此一舉".
不過最重要嘅係如果俾我想識女仔,而且係可以發展的話,我一定唔會選呢D女仔.太cheap,太庸俗.不過有機會至算啦.哈哈!!!!!!!!!!

食人魚

今日係yahoo睇到一篇好過癮嘅新聞,係講食人魚.

辦公室「食人魚」 專咬高薪已婚漢 公司派對獵食 憑腹中塊肉討撫養費 (明報)

【明報專訊】辦公室男女因為工作關係日久生情，相信是很常見的事，但高薪厚職又已婚的男士，要小心一些單身女同事藉公司宴會向你「灌迷湯」，隨後咬覑你不放，要錢又要人。專責處理離婚訴訟的

英國 律師貝努西（Diane Benussi）指出，單身女子搭上有婦之夫誕下私生子女後，追討對方支付撫養費的個案愈來愈多，而這些風流帳大都始於公司的派對上。

貝努西太太以「食人魚」（piranha）來形容那些專趁公司派對出動的女子，無論目標對象是否已婚，她們都死咬不放。她告誡男士，風流帳代價高昂，若女方「不幸」懷孕，要你長期供養，分分鐘令你「破產」！

貝努西太太還稱，這些「狐狸精」的獵物通常都是高收入、有權勢、具男子氣慨的型男，很多時這類男士都是已婚。「公司派對是一個絕好機會給這些『狐狸精』找獵物，酒精再加上性感衣著，要肉帛相見實在不難。有些女人專挑有大量男性僱員的公司去應徵，目的就是要找個『伴』，但我所說的『伴』是『公司伙伴』（equity partner），即公司合伙人。」對這些女人來說，在大型律師樓或會計師行工作對她們很有利。貝努西太太警告各已婚男士﹕「狐狸精會你咬覑你緊緊不放，直至將你化為白骨。」

法庭多依男方經濟判撫養費

本身也曾離婚的貝努西太太說，未婚媽媽為孩子向其生父追討撫養費的個案愈來愈多。「對她們來說，這筆錢是給孩子的學費、供車供樓的費用。無論是一夜情也好抑或是煙花之戀也好，一旦懷孕，即使是對富有的男人來說，也會造成沉重的經濟打擊」。

她指出，法庭愈來愈傾向根據男方的經濟狀及生活方式，判處他們需要支付一筆足可讓女方養大孩子的撫養費，「醉酒、調情……對傾慕了上司一整年的『狐狸精』來說，是她們在聖誕派對發動攻勢的常用手段。至於那些從來不易鬆懈的事業型男士，可能會因一時鹵莽做錯事」。

港類似個案少 多庭外和解

律師謝連忠則表示，按現時本港法例，第三者若懷了身孕，如她與男方未有正式註冊成為合法夫妻，缺乏訴訟根據，未能單憑「腹中塊肉」向情人索償。不過，當女方誕下嬰孩後，可以子女的名義，向情人追討撫養費及日後照顧小孩的生活費。

謝連忠指，此類個案通常都以庭外和解處理，絕少鬧上法庭，「始終骨肉相連，男方通常都會願意付錢。」不過他補充，若男方堅拒與子女相認，索償一方就要向法庭交出血緣關係的證據。

明報記者/每日郵報

「食人魚」十大特徵 (明報) 01月 04日 星期五 05:05AM

【明報專訊】*跟你一起超時工作，放工後也樂於幫你辦事

*覺得你的笑話特別有趣

*悉心打扮引你注意

*與你談話時常撫弄頭髮

*是你的忠實聆聽者，並時常表示同情你的境

*會向你暗示自己的問題，灑幾滴淚水，令你想保護她

*你與她談辦公室政治，她永遠站在你的一方

*常常稱讚你

*你發現自己時常提及她

*常穿性感內褲的成熟女人

"十大特徵"中最過癮嘅係第十項 *常穿性感內褲的成熟女人當你知道或見到條"食人魚"嘅"性感內褲"時即係宣告你已經死亡,無得救.
不過話時話就算有食人魚,即使佢幾厲害,都同我無關.因為我唔會係佢地嘅目標.嘻嘻!!!