一去到維記 .嘩!三間分店都排唒長龍,但我食嘢嘅決心係唔會俾條小小嘅人龍打倒嘅(讀書又唔見我有咁大決心).揾咗間最短人龍嘅分店排,等咗十分鐘就有得坐.叫咗膶蛋麵同咖央多.
唔,水準依然保持到,咖央夠香.而主角膶蛋麵,每次見到成碗肉渣嘅湯,同佔咗半碗嘅豬膶都相當興奮.結果係幾乎入哂成碗湯.
其實對維記最欣賞嘅唔止係食物,更重要係佢地唔會因為人多咗為咗賺多d就偷工減料,例如用味精,依然用落足料嘅肉湯.扺讚!扺讚!
食完麵就去隔離街嘅公和食荳
腐花,依然咁好味.細個住深水步跟阿媽去買餸時,佢都係呢到買荳腐,荳芽,咁我就跟手要碗荳腐花.相信而家嘅食客中有唔少人都係細個時已經幫襯.隨咗荳腐花,佢地嘅魚肉釀荳腐同荳卜都一樣咁好食,d魚肉好新鮮,不過個麵食得好飽,食唔落,下次至食.
總之呢餐午餐真係身心都好飽足
3 則留言:
前日睇有線新聞，報道話因為"貿易總協定"（世貿）的關係，中國大陸減少種大豆，改種粟米，故此大豆價格最近急升四成．而中國大陸亦開始要入口大豆，香港的大豆更是供不應求．"公和"過幾個月，每款小食也要加價1至2元．
我都有留意呢單新聞,所以誰說"全球化"係去外國做嘢,一碗荳腐花已經可以係一個做study嘅issue.
好似好好味咁！估唔到你都是一名食家。
不如帶大隊叫團契去食正野！？
恭喜喬遷之喜！
發佈留言